Perfil

Sergio de la OssaDSCF4260b

Etnomusicólogo, mestre de música e guitarrista. Especialiceime en pedagoxía musical Kodály en Hungría, onde impartín a materia de Música Tradicional no Instituto Kodály da Academia Liszt (Kecskemét, 2011-2015, 2020).

Música tradicional          Aprendín sobre transcrición e catalogación de músicas tradicionais coas etnomusicólogas Mária Domokos e Olga Szalay. Entre 2007 e 2018 traballei na transcrición, edición e arquivo do material musical do Arquivo do Patrimonio Oral da Identidade (APOI), Museo do Pobo Galego (http://apoi.museodopobo.gal), onde publiquei perto de 200 partituras de música tradicional coas súas análises e guías de uso. Son membro da banda Gergelyes, dedicada aos bailes e a música dos húngaros csángó (Moldavia).

Experiencia profesional, cursos e conferencias          Ademais de guitarra e harmonía clásica, ensino solfexo e análise de música tradicional na Central Folque, en Santiago de Compostela. Ofrecín varios cursos e conferencias sobre música tradicional e adaptación do Método Kodály. Participei como ponente en conferencias como o WOMEX 2014 (Santiago) e na celebrada en homenaxe a Zoltán Kodály no Instituto de Musicoloxía da Academia de Ciencias Húngara en 2017 (Budapest).

Publicacións       2019: A Basic Guide to Folksong AnalysisBudapest: Liszt Academy of Music.  (texto accesible na Rede previa inscrición gratuíta en kodalyhub.com). ISBN 978-963-7295-41-6.      Son coautor de Romanceiro tradicional. Breve antologia das recolhas do Seminario Menéndez Pidal na Galiza (1977-1983), con J.L. Forneiro. aCentral Folque, 2019 e Gustav Henningsen. Gravacións musicais en Galiza 1964-1968 (aCF, 2017, con Xavier Groba); tamén colaborei como autor en Repente galego (Deputación de Pontevedra, 2016), de Ramon Almuinha; e en Así fan os bailadores… (Baiona: Dos Acordes, 2009). Seleccionei as músicas e escribín os textos de Dispostas para cantare, CD editado polo Museo do Pobo Galego no seu 40 aniversario (2017).

Traducín tres novelas húngaras ao galego (Cotovía (2017), de D. Kosztolányi; e Ao norte unha montaña… (2014), de L. Krasznahorkai e Oito minutos (2012)de P. Farkas, xunto con Veronika Gergely), editadas por Rinoceronte.

IMG_0065

Foto: Miguel Souto (O Fiadeiro, Vigo, 2016)