Benvida

Benvidos! Este é o lugar que dedicarei a compartir coñecementos sobre a música tradicional (principalmente, a canción tradicional) e dar a coñecer os cursos ou clases que imparto sobre análise, a miña principal actividade profesional nos últimos anos.

O blogue ábrese con cuestións sobre o ritmo das cancións, que podes consultar entre as pestanas superiores (baixo ela hai outras pestanas: compás e variantes rítmicas). Irei aos poucos incorporando outras cuestións formais de música tradicional, sobre as que estiven traballando nos últimos 12 anos.

IMG_0091

Foto: Miguel Souto (O Fiadeiro, Vigo, 2016)

O que aquí les débelle moito á miña formación en Hungría. Ao aprendido de distintos mestres tentarei no seu momento engadir todas as referencias posibles. Certos elementos son achegas propias e modificacións dun sistema que nin é único nin tampouco inamovible.

Os meus mestres máis destacados, as persoas das que máis aprendín neste campo son Olga Szalay, Mária Domokos e Mihály Ittzés. Conexión directa co que aquí les aparece nos escritos de Dorothé Schubarth, Béla Bartók, Zoltán Kodály ou Constantin Brăiloiu, entre outros.

Tanto se entras aquí pra aprender algo novo sobre a música tradicional, como se o fas pra investigar ou preparar unhas oposicións, espero que gustes deste blogue! (No lado dereito hai un botonciño para seguilo, se queres recibir notificacións das novas entradas) Un saúdo!

Sergio de la Ossa

(máis sobre min aquí, e máis sobre cursos e aulas aquí)

Advertisements